தொடர் தோல்வியை சந்தித்து வரும் விஜய்க்கு இது செக்மேட் காலம். தளபதி என்கிற சிம்மாசனம் விநியோகஸ்தர்களால் கட்டப்பட்டது , காப்பாற்ற சந்திரசேகரை அழைத்தால் பரவாயில்லை. அரசியல் நோக்கி போகிறேன் என்ற பிரம்மாஸ்திரம் விடுவது விடலை குஞ்சுகளை உசுப்பேற்றும், ‘ஆதி’களை விற்க உதவாது.

ரசிக மணிகளால் சூழ்ந்த வலைபின்னல் தான், புரட்சி ஸ்டார், சூப்பர் தலைவர் எல்லாமே. சற்று உற்று நோக்கினால் அதில் பணம் என்கிற மாய வஸ்து தான் சினிமா வியாபாரிகளை பட்டங்களை வார்த்து பராமரிக்கச் சொல்கிறது. ‘A cinema is a product that is completely unknown , unless the wrapper is opened’.’

வணிக சினிமாவின் கட்டாயம் ‘matiney idol’. நீங்கள் அதுவாக இருக்கும் வரை எங்கள் பாக்கியம்.உங்கள் மனசாட்சி உறுத்தலுக்காகவோ, வருமான வரிக்கு பயந்தோ கல்யாணங்கள் நடத்துவது, உறுப்பு தானம் செய்வது , உங்களுக்கு புண்ணியம். ஆ மேலே , சாக்கடையை கழுவ இறங்கினால், நாத்தம் தாங்காமல் , மறுபடியும் (எஸ்.)ஏ.சி. காற்றில் பழுப்பேற்றிய சிவப்பு காணாமல் போய் விடும்.