ரசிக மணிகளால் சூழ்ந்த வலைபின்னல் தான், புரட்சி ஸ்டார், சூப்பர் தலைவர் எல்லாமே. சற்று உற்று நோக்கினால் அதில் பணம் என்கிற மாய வஸ்து தான் சினிமா வியாபாரிகளை பட்டங்களை வார்த்து பராமரிக்கச் சொல்கிறது. ‘A cinema is a product that is completely unknown , unless the wrapper is opened’.’

வணிக சினிமாவின் கட்டாயம் ‘matiney idol’. நீங்கள் அதுவாக இருக்கும் வரை எங்கள் பாக்கியம்.உங்கள் மனசாட்சி உறுத்தலுக்காகவோ, வருமான வரிக்கு பயந்தோ கல்யாணங்கள் நடத்துவது, உறுப்பு தானம் செய்வது , உங்களுக்கு புண்ணியம். ஆ மேலே , சாக்கடையை கழுவ இறங்கினால், நாத்தம் தாங்காமல் , மறுபடியும் (எஸ்.)ஏ.சி. காற்றில் பழுப்பேற்றிய சிவப்பு காணாமல் போய் விடும்.

நிறைய மாற்றங்களுக்கு வழிவகுக்கும் விதமாக சந்தோஷங்களும் துக்கங்களும் நிரம்பிய வருடம்.

நான் அப்பாவானதும் , அதற்கு சிறிதும் பிரயதனபடாமல் ,மனைவியை வேதனைக்குள்ளாக்கி ,என்னால் குடுக்க முடிந்த அருகாமை என்ற ஓன்றுக்காக மட்டும் திருச்சிக்கும் பெங்களுருக்கும் அலைந்தது புதிது. நிதானத்தை இழந்து தவறிழைத்து பின்பு வருத்தப்பட்டது எல்லாமே ஓரு நாடக டிவிஸ்ட் தான்.

பெயர் வைக்க எல்லாரிடமும் போராடுவேன் என்று எண்ணியதும் பொய்த்து விட்டது.ஒழுங்கு என்ற வார்த்தை தினசரி நடவடிக்கையில் ஒன்றானது. பெருத்த ஏமாற்றம் வந்தாலும் மீண்டு வந்தது புத்துணர்ச்சி அளிக்கிறது.

ஷங்கர் எந்திரனுக்காக மூன்று தயாரிப்பாளர் மாறினார். சூப்பர் ஸ்டார் ‘கடமையை செய், பலனை எதிர்பார்’ என்றார். முருகதாஸ் பாலிவுட் சென்றார்.ராமதாஸ் புகைப்பது தவறு, விற்பது தவறில்லை என்றார். சூர்யா அப்பவானார்.கமலின் தசாவதாரம் தான் தன் வாரண முயற்சிக்கு முன்னுதாரணம் என்றார்.

ஸ்டாலினும் அழகிரியும் கோபாலபுரத்தில் கலைஞராஷ்டமி நடத்தினர். தமிழர்கள் டெலிபோனினார்கள், டெடிக்கேட் செய்தனர். ஆங்காங்கே குண்டு போடப்பட்டது. இந்தியர்கள் தலையில் மதச்சார்பிண்மை என்ற பேரில் மிளகாய் அரைக்கப்பட்டது.

பிஜேபி ராஜஸ்தானில் தோற்றது, காங்கிரஸ் டெல்லியில் வென்றது.

சத்யம் பொய்த்தது, பொய்க்காமல் மழை விவசாயிகளின் வயிற்றில் அடித்தது. பெங்களுர் பெங்களூரு ஆனது. குண்டு குழிகள் சீர் செய்யப்பட்டன. இந்தியா தங்கம் வென்றது,மீடியா கவரேஜ் செய்தது. மும்பை போர் பூமியானது,மீடியா தீவிரவாதிகளை கவர் செய்தது. மக்கள் வீட்டைத்தாண்டி இந்தியா கேட் வந்தார்கள். கோஷமிட்டார்கள் , ஏ.கே.47 கேட்டார்கள். விலைவாசி ஏறியது,பணவீக்கம் இரண்டு டிஜிட்டைத் தாண்டியது.

மொத்ததில் மக்களின் பொறுமை சோதிக்கப்பட்டது.இந்திய பொதுஜனம் இனியும் பொறுக்குமா தெரிவில்லை. வரும் பொதுத்தேர்தல் தான் அதற்கு விடை சொல்ல வேண்டும்

பழையன கழிதலும் புதியன் புகுதலும் கால வகையினானெ. இது புத்தாண்டு தீர்மானம போல் தோன்றினாலும் , நம்ம கலைஞருக்காக இந்த பொங்க போகி புத்தாண்டில் இதை நினைவில் கொள்கிறேன்.

பி.கு.: யாருடைய எழுத்து நடை என்று யுகிக்க முடிந்தவர்கள்,முதல் பத்தி தாண்ட மாட்டார்கள், யுகிக்க முடியாதவர்கள் தமிழ் படிக்க தெரிந்திருக்க மாட்டார்கள்.

Related post : கிச்சடி (ஊசிப்போன)

1. எந்த வயதில் சினிமா பார்க்க ஆரம்பித்தீர்கள்?
சகல கலா வல்லவன் வந்த சமயம்.

2. நினைவுதெரிந்து கண்ட முதல் சினிமா?
சூப்பர் ஸ்டாரின் ‘சிவா’. நினைவு சின்னம் மற்றும் மை டியர் குட்டி சாத்தான் வெற்றிகரமாக ஓடி கொண்டிருக்க இதற்கு தான் டிக்கெட் கிடைத்தது.

3. என்ன உணர்ந்தீர்கள்?
டைட்டில் கார்டு மிஸ் செய்யவில்லை என்பதை. எப்படி இப்படி ஒரு படம் எடுத்தார்கள் என்று பாராட்டவும் (பின்னாளில் திட்டவும் ) வசதி பட்டது.

4. கடைசியாக அரங்கில் அமர்ந்து பார்த்த தமிழ் சினிமா?
சரோஜா . ஒரு த்ரில்லர் படத்தை நகைச்சுவை கொண்டு , கொன்றுவிட்டார்கள் என்று தோன்றியது.

5. கடைசியாக அரங்கிலன்றிப் பார்த்த தமிழ் சினிமா எது, எங்கே, என்ன உணர்ந்தீர்கள்?
சுப்ரமணியபுரம்.
இப்படிப்பட்ட நல்ல படங்களை சென்னை தேவியில், படம் வெளி வந்த பத்தாவது நாள் , எந்த விமர்சனமும் படிக்காமல் பார்க்க கடவது என்று
ஆண்டவனை பிராத்தனை செய்தேன்.

6. தமிழ்ச்சினிமா பற்றி வாசிப்பதுண்டா?
இல்லை அல்லது இஷ்டமில்லை என்று வைத்துக்கொள்ளலாம்.

7. தமிழ்ச்சினிமா இசை?
Dhool.com SOTD மேல் மட்டும் ஒரு தனி பிரியம்.

8. தமிழ் தவிர வேறு இந்திய, உலக மொழி சினிமா பார்ப்பதுண்டா? அதிகம் தாக்கிய படங்கள்?
Boot polish, எத்தகைய தாக்கம் என்றால் , படத்தின் நாயகனுக்காக தேம்பி தேம்பி அழுதது.

9. உங்களை மிகவும் தாக்கிய தமிழ்ச்சினிமா - அரசியல் சம்பவம்?
ரஜினியின் ஜெ.க்கு எதிரான அறிக்கை.

10. உங்களை மிகவும் தாக்கிய தமிழ்ச்சினிமா - தொழில்நுட்ப சம்பவம்?
கிளேசேவாக தோன்றினாலும் மைடியர் குட்டிச்சத்தனின் 3D சினிமா.

11. தமிழ்ச்சினிமா உலகுடன் நேரடித்தொடர்பு உண்டா? என்ன செய்தீர்கள்? பிடித்ததா? அதை மீண்டும் செய்வீர்களா? தமிழ்ச்சினிமா மேம்பட அது உதவுமா?
இல்லை ஆனால் இஷ்டமுண்டு என்று வைத்துக்கொள்ளலாம். தமிழ்ச்சினிமா மேம்பட வி. சி.டியில் பார்க்காமல் 180+ 90 + 15 கொடுக்க தயார்.

12. தமிழ்ச்சினிமாவின் எதிர்காலம் பற்றி என்ன நினைக்கிறீர்கள்?
நன்றாக இருக்கிறது என்று நண்பர் வட்டாரத்துக்குள் மட்டும் தம்பட்டம் அடிக்க ஆசை.

13. அடுத்த ஓராண்டு தமிழில் சினிமா கிடையாது, மற்றும் சினிமா பற்றிய சமாச்சாரங்கள், செய்திகள் எதுவுமே பத்திரிகைகள், தொலைக்காட்சி, இணையம் உள்ளிட்ட ஊடகங்களில் கிடையாது என்று வைத்துக்கொள்வோம்? உங்களுக்கு எப்படியிருக்கும்? தமிழர்களுக்கு என்ன ஆகும் என்று நினைக்கிறீர்கள்?
இருக்கவே இருக்கிறது கருப்பு வெள்ளை படங்கள், மற்றும் பேசும் படம் பேசாமல் இருக்கும் என்ற நப்பாசை.

இப்படி தான் இடைசொருகலில் பொய்களை விதைக்கப்பபடுகின்றன.

சமிபத்திய வெடிகுண்டு நிகழ்வுகள் எதுவும் நல்லத்துக்கு என்று தோனுது. வெகுளித்தனம் என்பது என் அடுப்பங்கரை வரை தான் , என் அடி வயிரை தொட்டால், என்று மக்கள் உணரும் வரை , இந்த திருவிழா தொரட்டும்.

கடந்த முன்று மாதங்களாக நடந்த விளையாட்டு திருவிழா (அதான் IPL ,French Open, Wimbledon, EURO 2008 ), இல்லாமல் சேனல் மாற்றம் யுக்தி இல்லாமல் தவிக்கிறது எங்கள் வீட்டு ரிமோட். எல்லாம் ஒலிம்பிக்ஸ் வரும் வரை தான்.

ஆடி காத்து , உஸ்மான் ரோடு அழைத்தது. ஆனால் அந்த பழைய பொலிவு இல்லை. இங்கே CMH ரோடும் மரங்கள் இல்லாமல் கலை இழந்து நிற்கிறது. பெங்களுரும் , நகரமயமாக்கலுக்கு (உச்சகட்ட) தப்பவில்லை.

மின்னலே நீ வந்ததேனடி
என் கண்ணிலே ஒரு காயமேனடி
என் வானிலே நீ மறைந்து போன மாயம் என்னடி
சில நாழிகை நீ வந்து போனது
என் மாளிகை அது வெந்து போனது

மின்னலே என் வானம் உன்னை தேடுதே…

கண் விழித்து பார்த்த போது கலைந்த வண்ணமே
உன் கைரேகை ஒன்று மட்டும் நினைவுச்சின்னமே
கதறிக் கதறி எனது உள்ளம் உடைந்து போனதே
இங்கு சிதறிபோன சில்லில் எல்லாம் உனது பிம்பமே
கண்ணீரில் தீவளர்த்து காத்திருக்கிறேன்
உன் காலடித்தடத்தில் நான் பூத்திருக்கிறேன்

மின்னலே என் வானம் உன்னை தேடுதே…

பால்மழைக்கு காத்திருக்கும் பூமி இல்லையா
ஒரு பண்டிகைக்கு காத்திருக்கும் சாமி இல்லையா
வார்த்தை வர காத்திருக்கும் கவிஞன் இல்லையா
நான் காத்திருந்தால் காதல் இன்னும் நீளுமில்லையா
கண்ணீரில் தீவளர்த்து காத்திருக்கிறேன்
உன் காலடித்தடத்தில் நான் பூத்திருக்கிறேன்

மின்னலே என் வானம் உன்னை தேடுதே…

விழித்திரையில் தெரிவதெல்லாம் வெள்ளை மேகமே
வழிதோறும் தேடுகின்றேன் உயிரின் முகமே
கவிதைகளில் வாழ்த்தி நின்றேன் உன்னை மட்டுமே
கானல் நீராய் கரைந்து போனேன் உன்னில் மட்டுமே
கண்ணீரில் தீவளர்த்து காத்திருக்கிறேன்
உன் காலடித்தடத்தில் நான் பூத்திருக்கிறேன்

மின்னலே என் வானம் உன்னை தேடுதே…

நான்கு கண்ணாடி சுவர்களுக்குளே நானும் மெழுவர்த்தியும்
தனிமை தனிமையோ தனிமை தனிமையோ கொடுமை கொடுமையே

பேச்செல்லாம் தாலாட்டுப் போல என்னை உறங்க வைக்க நீ இல்லை
நிலவும் ஒரு முத்தம் தந்து காலை காபி கொடுக்க நீ இல்லை

விழியில் விழும் தூசி தன்னை அவள் எடுக்க நீ இங்கு இல்லை
மனதில் எழும் குழப்பம் தன்னை தீர்க்க நீ இங்கே இல்லை
நான் இங்கே நீயும் அங்கே இந்த தனிமையில் நிமிஷங்கள் வருஷமானதே
வான் இங்கே நீலம் அங்கே இந்த உவமைக்கு இருவரும் விளக்கமானதேனோ

நாட்குறிப்பில் நூறு தடவை உந்தன் பெயரை எழுதும் என் பேனா
எழுதியதும் எறும்பு மொய்க்க பெயரும் ஆனதென்ன தேனா
சில்லென்று பூமி இருந்தும் இந்த தருணத்தில் குளிர்காலம் கோடை ஆனதேனோ
வா அன்பே நீயும் வந்தால் செந்தணல் கூட பனிகட்டி போல மாறும் அன்பே

பாடல் : கவிஞர் வாலி
இசை : ரகுமான்
படம் : சில்லுன்னு ஒரு காதல்

இது என்ன பாட்டு ஜிக்கு புக்கு ரெயிலு ஒண்ணுமே புரியல, இங்கிலீஷ் பாட்டு மாரி இருக்கு.

இது மைக்கேல் ஜாக்ஸ்சன் சரி , அது யார் ஜானட்?

எவ்வளவு தடவ சொல்றது கடைசிலே இங்கிலீஷ் போடாதீங்க, கேப் இருந்தா பரவால்ல.

எத்தன கேஸட் போட்டாலும் தீராது ,மொட்ட மொட்டதான்.

பாக்கெட் மணி இல்லாட்டாலும் ரெக்கார்டு புக் வாங்கணும்ன்னு சொல்லிட்டு ஒரு 60க்கோ ஒரு 90க்கோ பாட்டு லிஸ்ட் எழுதி கொடுத்துட்டு வருவோம். டிரிபிள் கொஞ்சம் போதும் , பேஸ் அதிமாக வேணும் இப்படி ஏகப்பட்ட அறிவுரைகள் காதில் வாங்கப்படாது என்று தெரிந்தும் கொட்டி விட்டு வருவோம்.

பதிவாயிட்டு வரும் வரையில் ஏகப்பட்ட எதிர்ப்பார்ப்புகள். 23 ஜீலை திபாவளி பட ரிலீஸ் போல பரப்பரப்பு பற்றிக் கொள்ளும். கேஸட் கவர் புதுப் பொண்டாட்டி போல் அள்ளி கொள்வோம். எழுத்து கூட்டி படிக்காத குறையாக, எந்த கேஸட் கம்பெனி என்பது வரை ஆராய்வோம்.

ரிலீஸ் தேதி அன்று வீடே களேபரபடும். பட்டியலின் படி வரிசையாக பதிவாகவில்லை என்றால் அதுக்கும் அன்றே ஒரு நடை.

நான் சொன்னது மூணாவது பாட்டு, இதில நாலாவது பேத்தாஸ் ஸாங் ரெக்கார்டாகி இருக்கு. இப்பவே மாத்தி கொடுங்க.

உங்க அதிர்ஷ்டத்தைப் பொருத்து அன்று யேசுதாஸின் ரசிகர் வராமல் இருந்தால், அப்பா (கடை ஒனர்) பிஸியாக இல்லாமல் இருந்தால், உங்கள் கேஸட் புதியதாக இருந்தால்.

தொடரும் ..

உனக்கென பிறந்தது உனக்கேதான்
கிடைச்சத வைச்சுக்கோ அவ்வளவு தான்
நடப்பதுதான் நடப்பதுதான் - உண்மை
விடியும் பார் விடியும் பார்

மனைவி அமைவதெல்லாம் இறைவன் கொடுத்த வரம்

நீ விரும்பற பொண்ண விட உன்ன விரும்பற பொண்ண காதலி. வாழ்க்கை நல்லாயிருக்கும்.

காதல் என்பது எது வரை கல்யாணம் காலம் வரும் வரை
கல்யாணம் என்பது எது வரை கழுத்தினில் தாலி விழும் வரை

தொடர்ந்து எழுதாததற்கு காரணம் கம்பெனி மாறுனது தான். என்னோட தமிழ் தரவுகள் எல்லாம் காலி. முரசு ப்ள்க்கின் நோட்பேடில் ஏனோ வேலை செய்ய மறுக்கிறது. சுரதா கொஞ்ஞூண்டு படுத்தியது.

இருந்தாலும் மனம் தளராத விக்கிரமாத்தித்யனுக்காக இந்த புது டூல். புது தட்டச்சு முறை என்றாலும் ஆர்வமிருப்பதால் முயற்சிகளை தொடர்வேன். சித்திரமும் கைப்பழக்கம், எந்தமிழும் பளாக் பக்கம்.

புதிய வியூகங்கள்
புதிய விதிமுறைகள்
அனுபவ நேர்த்திக்கு வழுக்கையும்
அடிப்பட்டே மழுங்கிய ஆர்வமும்
வாழ்க்கை சுழலும்
சக்கரங்களின் வேர்வையில்

ராஜ்தீப் சர்தேசாய்க்கு ஜ.பி.என், நமக்கு சமையல். சப்பாத்தி மாவு பிசைவது, சுடுதண்ணி வைப்பது, டீ தயாரிப்பது ( சக்கர எப்பவும் கம்மியாத்தான் போடுவேன் , இதக் கூட ஒழுந்கா செய்யத்தெரியலான்னு கேட்டற கூடாதில்லையா? ) , மற்றும் சாப்பிட்டு விட்டு குறை சொல்வதுஇப்படியாக அம்மாவுக்கு ஒத்தாசை என்ற பெயரில் சமைக்காமல் சலித்துக் கொண்டதை இப்போது தொடர எண்ணம்.

நூடுல்ஸ் நன்றாக செய்ய வருகிறது. ஏற்கனவே சுடுதண்ணி கொதித்து வைத்து பழகியிருந்ததால் மட்டும் முயற்சி செய்யவும். சாம்பாருக்கு பருப்பு ஒன்னு விட்ட சித்தப்பா மாதிரி தெரிந்தாலும் சேர (வேக) மறுக்கிறது. உருளைக் கிழங்கு ஆபத்பாண்டவன், வெங்காயமும் தான். தேங்காய் கொஞ்சம் காஸ்டிலி. மிக்ஸிக்குதான் கட்டி வைக்கணும்ணு அடம். தயிர் பிரச்சனையில்ல, உறைக்கு வைச்சா போதும். அப்புறம் ஊறுகாய் அதுவும் மாங்காய்+பூண்டு excellent combo. தோசைக்கு கல்லா கல்லுக்கு தோசையா? விவாதம் அடுத்த ஆண்டும் தொடரும்.

Coming to books, வாங்கப்பட்ட ஏழெட்டு புத்தகங்களில் அ.முத்துலிங்கம் கதைகள் , காகித மலர்கள், Sri Lanka : Voices from a War மட்டுமே வாசிக்கப்பட்டது. வாசிப்பிற்கும் அனுபவத்திற்கும் இடையில் மாட்டிக் கொள்வது
நேரமும் பொறுமையும் தான். இதைப் பற்றியே ஒரு தனிப் பதிவிடலாம்.

உருப்படியான விஷயங்கள் சில நண்பர்கள் கிடைத்ததுதான். முகம் பார்க்காமல், தோள் குலுக்காமல் நிதானமாக எச்சில் சிகரெட்டிலும், மிஸ்சுடு காலிலும் நசுங்காத நட்பு. வெட்டி அரட்டைக்கும், வெறும் நடைக்கும் அலைந்த கால்கள், இப்போது கல்யாணத்திற்கும் நகர மறுப்பது காரணம் காலம் தான் நண்பர்களே (கொஞ்சூண்டு நானும் ). உருப்போட்ட (உருப்படாத) விஷயங்கள் பிரஞ்ச், சமஸ்கிருத முயற்சிகள்.

அன்பர்களுக்கு விடுமுறைக் கால வாழுத்துக்கள்

மேலே கூறிய சொற்களை கூகிளியதால் இரண்டு சுட்டி கிடைத்தது. ஒன்று ஹிந்து நாளிதழில் இந்த ரெஸ்டாரென்டைப் பற்றிய அறிமுகம் , இன்னொன்று அனிதா போராவின் அங்கலாப்பு. இதப்போய் ஏன் தேடினாய் அப்படின்னு நீங்க கேக்கறது எனக்கு விளங்குது, ஆனா பாருங்க பசின்னா நமக்கு , பக்கத்துல எதாவது கவர்ச்சியா போட்டுருந்தா உள்ள நுழைஞ்சுடுவேன். ஆனா ஆபிஸ விட்டு பத்தடி நடந்தோன்னதான் ஞாபகம் வருது பணமில்லன்னு. பணமில்லாட்டி என்ன கடன் அட்டை இருக்கேங்கிற தகிரியத்தில உள்ள போனேன். நம்ம வெயிடர் புண்ணியவான்கள் எல்லாம் டெக்ஸன் பாணில இடது பக்கம் ஒரு பர்ஸ மாதிரி ஒண்ணு பெல்ட் போட்டு இடுப்போட கட்டியிருந்தாங்க. மக்கா ஏதோ விவகாரமா இருக்கேன்னு பாக்க சொல்ல மேதகு வெயிடர் மெனு கார்டு நீட்டினார். பளிரென்று தெரிந்தது பக்கார்டி, ரொமனாவ், மற்றும் இன்னபிற சோம பானங்கள். இது வேணாமேன்னு கூச்சப்பட்டு ஒரே ஒரு ஸ்மால் என்றேன். அப்பறம் நடந்ததுதான் உச்சகட்டம்.

Can you explain this hot mexican chicken ? Don’t you provide bread/rice with this, i dont see them in the menu”

“Yes, we provide bread , rice with some vegetable”

“Will that be too small?”

“No sir. let me bring you sizzler”

“Fine”

ஒரு பத்து நிமிஷம் கழிச்சு சூடா வுட்டன் பிளேட் மேலே இரும்பு பாத்திரத்தில வந்தது Hot mexican chicken. சாப்பிட வசதியா ஒரு கத்தி வேற [ yes a real one]. சரி யறங்கு ராசா. கொஞ்சூண்டு சிக்கன் வெற்றிகரமா வெட்டி தொட்டுக்க சாதத்தை தேடினேன். ஒரே கறிஞ்ச மணம். ஏனென்று வினவியதில் இதுதான் sizzlerராம். கடனாய் சாப்பிட்டதற்கு தண்டம் 391+ 10.

வீரலெட்சுமிக்கு போனா கூட்டு பொறியல், மல்லி துவையல், பருப்பு, சாம்பார், ரசம், தயிர்ன்னு புல் மீல்ஸ். எல்லாம் 22க்கு. இனி வீரலெட்சுமியே துணை.

செல்லுல balance இல்லனா கால் பண்ண முடியாது, ஆனா… மனுஷனுக்கு கால் இல்லன்னா balance பண்ண முடியாது.

பஸ் போய்ட்டா பஸ் stand அங்கயே தான் இருக்கும் , ஆனா சைக்கிள் போய்ட்டா சைக்கிள் stand கூடவே வரும்.

Filesன்னா ஒக்காந்து பாக்கணும் ,ஆனா Pilesன்னா பாத்து ஒக்காரணும்.

கட்டில் ஒடஞ்சா படுக்க முடியாது, கண்ணாடி ஒடஞ்சா பாக்க முடியாது, ஆனா முட்டை ஒடஞ்சா தான் ஆம்லெட் போட முடியும்.

வாயால நாய்ன்னு சொல்ல முடியும் ,ஆனா நாயால வாய்ன்னு சொல்ல முடியுமா?

பானை காலியா இருந்தாலும் ஓட்ட இல்லாம இருந்தாதான் மதிப்பு.

ஒரு கடலே இருந்தாலும் கையில டம்ளர் இருந்தா ஒரு டம்ளர் தான் புடிக்க முடியும்.

நேரம் சரியில்லன்னா ஒட்டகத்து மேல ஒக்காந்தாலும் நாய் கடிச்சு வைக்குமாம்.

தட்பவெப்பம் பெங்களுருக்கு இணையாக நன்றாகவே இருந்தது. அலட்டி கொள்ளாமல் ஜெர்கினுடன் திரிந்தேன். மதியம் நண்பர்களின் அழைப்பின் பேரில் ஒரு செட்டிநாடு ஹோட்டலில் பிரியாணி. கூட்டம் முண்டியடித்து உள்ளே நுழைய முயன்றது, நமக்குதான் முடியல. இதுக்கும் பாட்டு வாங்கிக் கொண்டேன். பெங்களுர் போனதும் உனக்கு கொம்பு முளைசிருச்சி மச்சி என்று ஏசினார்கள்.

‘இந்த ரும்லயா இருக்க?’, என்று நண்பரிடம் நான் தங்கிய அறையை ஏளனப்படுத்திய போது, சென்னை விட்டு நான் விலகியது தூரம் முழுமையாக விளங்கியது. என் கற்பனை உலகில் சென்னையை சற்று ரேட்டிங்கை சற்று கீழே இறக்கினேன்.

“சரி அடுத்து என்னடா? கல்யாணமா? savings உண்டா? வீடு வாங்கேன். invest in properties மச்சி”.

“சரி நீதான் சொல்லேன். suggest me dear”

“துரைசாமி ரோட்டுல என் பிரண்ட் ஒருத்தன் 3 பெட் ரூம் பிளாட் வாங்கியிருக்கான். 21 lakhs”

“!$!%^”

என் கற்பனை உலகில் சென்னையின் கொம்பை உயர்த்தினேன் அது மிகவும் கஷ்டமில்லை என்பதாலும் அது அடிக்கடி பழகப்பட்ட விஷயாமாகி விட்டதாலும்.

டெக்கான் ஹாரால்ட் பத்தி விசாரிக்கையில் நல்ல வரவேற்பை பெற்றிருக்கிறது என்று அறிந்தேன். ஒரு ரூபாய்க்கு solid என்றார்கள் நண்பர்கள்.சான்றாக ஷக்கிராவின் போட்டோவை காட்டினார் ஏவாள் போட்ட டிரஸ்சுடன்.

“சுனாமியே வந்தாலும் இந்த பீச்சுல கூட்டம் கொறயல பாத்தியா?”

“ஏன்டா தெனம் தெனம் புட்போர்டு அடிச்சு சாகத்தான் செயுறாங்க மக்கள், அதுக்காக புட்போர்டு அடிக்கறதான் நிக்குதா? பஸ்சுல கூட்டந்தான் கொறயுதா?”

விட்ட கொறயா புத்தகங்கள் , லக்கேஜ் சில விட்டுருந்தேன். அதை லபக்கிக் கொண்டு பெங்களுர் திரும்ப தயாரானேன். எப்படியோ சென்னை வர வேண்டுமென்கிற திட்டம் நிறைவேறியது குறித்து மகிழ்ச்சியடைந்தேன். திருப்தியில்லாத இந்த ஒரு நாள் ஆட்டம் முடிவுக்கு வந்தது. மறுபடியும் சென்னை வரவேண்டும், அதுவும் இரண்டு மூன்று நாட்கள் விடுப்பு எடுத்துக் கொண்டு, என்று முடிவு செய்து கொண்டேன்.

கடந்த முறை கோப்பையைத் தட்டிச் சென்ற கேரளா இந்த ஆண்டு கொச்சி,திருவனந்தபுரம், கோழிகோட்டிலும் நடத்துகிறது. இப்போட்டிகளை ஜி.டி.வி. ஒளிபரப்புவது இன்னொரு சிறப்பு அம்சம். லீக் ஆட்டங்கள் முடிந்தவடைந்து விட்டன. இனி கால் இறுதி லீக் முறையிலும், அரையிறுதி, இறுதி ஆட்டங்கள் நாக் அவுட் முறையிலும் நடைபெறும். இந்தியன் எக்ஸ்பிரஸ் இப்போட்டியை ஸ்பான்ஸர் செய்ய இசைந்துள்ளது. For fixtures click here.

எதாவது எழுதணும்
நேரமிருக்கு நிதானமிருக்கு
எதாவது கிறுக்கணும்
விஷயமிருக்கு வில்லங்கம் இருக்கு
எதாவது சொல்லணும்
களமும் இருக்கு கருத்தும் இருக்கு
எதாவது பதியணும்
‘ம்’மும் உண்டு ‘ம்.ஹும்’ உண்டு

தங்களைத்தான் தேடுகிறார்கள் என்று தவறாக எண்ணி ஓடிய இரண்டு நார்த் ஆப்பிரிக்கா வந்தேறிகள் டிரான்ஸ்பாமரில் அடிபட்டு இறக்க அதுதான் ரிஷிமூலம். அக்டோபர் 27ல் ஆரம்பித்த இந்த கலவரம் இன்னும் அடங்கிய பாடில்லை. மேலும் தகவலுக்கு ஹாரால்ட் டிரிபுனின் மற்றும் இதர சுட்டிகள்.

• Riots in Paris
• 22 held after riots near Paris
• Chirac urges calm as suburban riots spread
• In Paris suburbs, anger won’t cool
• Violence spreads beyond Paris
• Violence spreads to more troubled Paris suburbs
• Intifada in france

பத்து ரூபாயில் வண்ண வண்ண உடைகளில் வகை வகையாய் சினிமா நட்சத்திரங்களின் பேட்டிகள், அரட்டை அரங்கிகளின் அப்பளம், அடுத்த வீடு, அவ்வளவு தான், உன் மூக்கின் மணமென்ன கேள்வி - பதில் பகுதி, ஆண்கள் பள்ளியில் அகப்பட்ட முன் பெஞ்ச் சோட புட்டி மாணவர்களின் புண்ணிய சொற்கள், இவைகளுக்கு நடுவில் உள்ளாடை மற்றும் சேலை விளம்பரங்கள். இது Overt.

எண்பது ரூபாயில் ‘குலுங்கியது காஷ்மீர், துவண்டது நம்பிக்கை‘ கவர் ஸ்டோரி, தலை நிமிர துடிக்கும் மெர்ஸிடெஸ் அல்லது ஜெர்மனி , ‘நரகத்திலிருந்து அன்புடன்‘ , சார்லஸின் சுயசரிதம், புது கோள்கள் தேடும் வானவியல், சீனாவில் நெரிக்கப்படும் அடித்தட்டு மக்களின் குரல்வளை, இவைகளுக்கு நடுவில் Longines, Omega கடிகார விளம்பரங்கள். இது Covert.

Chase Yours.

நீர் வரத்து குறைந்திருந்தாலும் சிறுவர்களின் குதூகலத்துக்கு குறைவில்லாமல் , சிறு சிறு மணல் மேடுகளுக்கு நடுவில் காவிரி. இதை ரசிக்க கரண்ட் இல்லாத ஒரு ஞாயிறுக்கிழமையும் அது இல்லாமல் இயங்காத தொலைக்காட்சியும் தேவையாயிருந்தது. அப்படியே நகரத்தையும் சற்று பார்க்கலாமென்ற ஆசை சற்று நியாமாக பட்டதால் வீர்ரென்றேன். எங்கெங்கும் பார்கினும் போஸ்டர்கள், புதிதாக துவங்கப்பட்ட கட்சிக்கு பத்தாம் ஆண்டு துவக்க விழா, சிலரை வானளவு புகழ்ந்தோ , சிலரை நன்றாக வஞ்சியோ சுவரெங்கும் கருப்பு வெள்ளைகளில் அர்த்த மில்லாத கிறுக்கல்கள். முடிக்கப்பட்ட பாலம் ஒன்று, முடிஞ்சுடும் முடிஞ்சுடும் என்று இழுவைப் பாலம் இன்னொன்று.

“அஞ்சு பைசா திருடுனாத் தப்பா?”
“இல்லடா இந்த வயசுல எல்லாருக்கும் தெரியற மாதிரி இவ்வளவு சின்னதா திருடறதுதான் தப்பு “. இப்படி புரியாத வயதில் கல்லனையை நோக்கி குரங்கு பெடல் போட்டதற்கு வாங்கி கொண்டது நினைவுக்கு வருகிறது. வீட்டை விட்டு அப்போதுதான் வெளி சுவாசம் கண்டேன். எங்கள் நண்பனின் அண்ணணுக்கு தெரிந்தவன் ஒருவன் மிகுந்த அக்கறையுடன் போட்டு கொடுக்க , எங்கள் பெற்றோர்கள் மிகுதியா கவலைக் கொண்டார்கள். “என்னங்கடா மிசை மொளச்சிடுச்சுன்னு நினைப்பா?” , இப்படி திட்டாவிட்டாலும் ஏதோ இது குறித்து பெரிய சர்ச்சை கிளம்பியது. யாரை குற்றம் சுமத்தலாமென்று எல்லா பெரிசுகளும் பொருமிக் கொண்டார்கள்.

ஆச்சரியம் மற்ற அப்பாகள் போல நான் சிகரெட் புடித்தேனா என்று கேட்கவே இல்லை. எப்போதும் சிகரெட் பிடிக்க என்னிடம் காசு கேட்கும் போது அவர் கொடுக்கும் கடலை மிட்டாய் லஞ்சம் குழப்பத்தை நீக்கியது. “சும்மா இழுடா? ஒண்ணே ஒண்ணு தான் நாத்தம் வராம இருக்க நா சொல்லி தரேன்”. தப்புக்கும் தவறுக்கும் நூலிழைத்தான் , நான் தப்பியது அன்று அவ்வாறு தானோ?

பண்டிகை கொண்டாடத்தில் நகரம் இன்னும் சூடுபிடிக்க வில்லை என்றாலும் சேலையை போர்த்திக்கொண்டு, துணி காய வைக்கும் தோரணையில் மூக்குத்தியுடன் ப்ரித்தி ஸிண்டா, சதா, ஸ்நேகா என வண்ண வண்ண விளம்பர பலகைகள். மகுசு கூடிய சென்னை சில்க்சும், மன்னின் மைந்தர்கள் சாரதாஸும் களைக்கட்டியது. சிப்பியில் மழை பெய்தாலும், காவிரி எதுமே இல்லாமல் வெறுமனே. சிவாஜிக்கு காத்திருக்கிறார்கள் போல. நாமும் காத்திருப்போம்.

நேராகவோ வளைந்தோ
கிறுக்கும் நெடுக்கமாக
நீண்டபடி
அடைத்தும் அணைத்தும்
குட்டையும் நெட்டையுமாக
கழிந்த நிமிஷங்களை எண்ணிக்கொண்டும்
கடக்க வேண்டிய எண்ணிக்கைகளில்
அவரச அவஸ்தையாய் அரட்டையடித்த படி
பாலரும் பண்டிதரும்
பெண்களும் பெரிசுகளும்
சீராய் நிற்க
வரிசைகள் பலவிதம்

அடுத்ததா சிலப்பதிகாரமா மணிமேகலையான்னு யோசிச்சு மாசம் ஒண்ணாச்சு. நாமெல்லாம் எழுதவே ஆரம்பிச்சிருக்க வேணாமோ? பெருந்தலைகளோட படைப்புகள் படிக்க படிக்க பேனா ஸாரி கணிணி பக்கம் வரதான்னு மனசு குறுகுறுக்குது. படைப்புலகில் வார்த்தைகளை வடிக்கும் விதமும், காட்சிகளை விவரிக்கும் பாங்கும் இருக்க எவ்வாறு வேண்டுமென்பதை ஒவ்வொரு வரிகளிலும் தெளித்து விட்டு சென்றிருக்கிறார்கள். புதுப்புது உலகத்தை ஒவ்வொரு படைப்பிலும் வரைந்து விட்டு செல்கிறார்கள்.

ஒருத்தர் சொல்றார்,’என் எழுத்து அனிச்சை செயலுன்னு,அதை விமர்சிக்காதீர்கள்‘. இன்னொருத்தர் ‘என்னை திருப்திபடுத்தவே எழுத்துகிறேன்‘ என்கிறார். யாரும் நான் இதற்காகத்தான் எழுத வந்தேன் என்று சொல்லவில்லை சிலரைத் தவிர. எழுத்தை தொழிலாக கொள்வது என்றுமே சிரமம்தான் போல. எழுத்தை ஆதர்ஷமாக்கி கொள்ள பலர் தயங்குவது தெரிகிறது. மற்றபடி இவர்கள் படைப்புகள் படித்த வரை என்னோட எழுத்தை கொஞ்சம் கவனமாக எடிட் செய்ய கட்டாயபடுத்தபடுகிறேன். வார்த்தைய கொட்டிடா அள்ள முடியாது பாருங்க.

ஆப்பிரிக்காவிலோ, அன்டார்டிக்காவிலோ யாரோ ஒரு ஜீவன் என்னோட வலைப்பதிவு வேகமா வலையிறங்கிறது என்பதால அவருடைய உலகத்தை சுருக்க கூடாது.தொடர்ந்து எழுதணும். அவரைப் போன்ற வாசகர் நெஞ்சங்களுக்காக இந்த பதிவு. கொசுறா சினிமா செய்தியையும் உண்டு. அதையும் படிச்சுடுங்க.

சேதுராமைய்யர் சி.பி.ஜ. மம்முட்டியின் நாலாவது படம் இதே கதாபாத்திரத்தில், அதே டெம்லேட்டில். ஒரு இளம் காதல் ஜோடி, ஒரு பெரிய தரவாடு, அங்கு நடக்கும் இரு கொலைகள் (ஒண்ணோட நிறுத்திட கூடாது, அப்புறம் சுவரஸ்யம் குறைஞ்சுரும் பாருங்க). சந்தேகிக்கும் படி இரண்டொரு ஆரவாரமான ஆண்கள், அப்பிரானியா சந்தேகித்தாபடிக்கு சில பெண்கள் வயதில் நாற்பதுக்கு மேல் மற்றும் முப்பதுக்கு கீழ். வழக்கம் போல் தமிழ் கூறும் நல்லுலகின் அப்பிரானி வேலைகாரன் அடியோ திட்டோ வாங்குவதற்கு.

பரவாயில்ல பாட்டே போடாம படத்த ஓட்டிட்டாங்க, கஜினியிலும் இத செய்திருக்கலாம், ஒவ்வொரு பதினெஞ்சு நிமிஷத்துக்கு ஒரு கிளைமாக்ஸ் வீதம். என்னதான் லாஜிக் பாக்க கூடாதுன்னாலும். சூர்யா கீளின் சிலேட் ஆன பிறகு சடாரென பழைய நிலைக்கு திரும்புவது திரைக்கதை லாஜிக் பள்ளத்தாக்கில் பொத்தக்கடீரென விழுகிறது. நம்ம ஹாரிஸ் ஜெயராஜ் இன்னும் அந்நிய தூக்கத்துலதான் இருக்கார் போல. எழுந்திருங்க ஸார்.

சேதுராமைய்யர் தீம் மியூசிக் தவிர எல்லாம் கசினோ, கெயிட்டி கணக்காயிருக்கு. கோடம்பாக்கத்துல யாரவது நம்ம மம்முட்டிக்கு வருஷத்துக்கு பத்து தமிழ் படம் கொடுத்தா தேவல. அண்ணா நகருக்கும் கோடம்பாக்கத்தும் நெறய தூரமில்லை, ஒரு டாக்சி புடிச்சா அம்ஜிகரை, மேத்தா நகர், சூளைமேடு வழியா சுலமா வந்துறலாம்.

பாரமுல Memento வி.சி.டி. கிடைக்குதான்னு பாக்கனும். தலையைல யாரவது ஓங்கி அடிக்காம இருந்தா சரி. பி.பி.ஸி. தலைல யாரவது ஙெங் ஙெங்ன்னு அடிச்சிருக்கனும் போல. கிறுக்கு புடிச்சு எழுந்தவனாட்டம் இப்படியொரு செய்தி அல்லது துணுக்கு.

போதும், போதும் எதுக்கும் ஒரு அளவிருக்கு. கூகிளின் தற்போதைய மந்திரம் இதுதான். இனி தாங்கள் பட்டியலிடும் வலைத்தளங்களின் எண்ணிக்கையை முகப்பில் வெளியிட மாட்டார்களாம். அதாவது தேடுயந்திரத்தில் புது தளங்கள் அவ்வளவு எளிதாக சேர்க்கப்பட பட மாட்டாது. போதுமான அளவிற்கு தேடுயந்திரத்தில் தளங்கள் திரட்டப்படுவதால் இந்த முடிவை எடுத்துள்ளார்கள்.

கூகிளின் அனுமுறை ரொம்ப சிம்பிள். தேடும் சொல்லுக்கும்,க்ளிக்கும் தளங்களுக்கும் தகுந்தாற் போல் பக்க குறியை (page rank) எனும் சான்றிதழ் அளிக்கப்படும். அதாவது நீங்கள் தேடிய சொல், உலாவி, இடம் மற்றும் ip முகவரியுடன் நீங்கள் கிளிக்கிய தளங்களும் டேட்டாபேஸில் சேகரிக்கப்படும். சேகரிக்கப்பட்ட தகவல் search algorithm மூலம் கிளிக்கிய தளங்களின் பக்க குறிகள் மாற்றப்படும். கிளிக்கப்பட்ட தளங்களின் பக்கத்தைப் பொறுத்து அந்த தளங்களுக்கு கணம் (weightage) தரப்பட்டும். மாற்றாக இந்த கணங்கள் பக்க குறிகளை நிர்ணயிக்கும் .

எளிதாக சொல்ல வேண்டுமானால், வரன் தேட நீங்கள் வேறு ஊருக்கு செல்கிறீர்கள். பெண்/பையன் பற்றிய ஒரு சில தகவலை வைத்துக்கொண்டு செல்லும் வழியில் தென்படும் நபர்களிடம் விசாரிப்பீர்கள். ஒவ்வொருவரின் கருத்தைப் பொறுத்து ஒரு அனுமானம் உருவாகும்.அதைப் பொறுத்து வரன் தேடும் படலத்தை தொடரவீர்கள் அல்லது நிறுத்துவீர்கள். இது ஒரு வகையான நம்பிக்கை தேடல் ( faith based search).

இணையமே இந்த நம்பிக்கையின் பால்தான் உயிர்க்கிறது என்பது என் எண்ணம். உங்கள் மேல் ஒரு கருத்து மேகம் உருவாக உங்கள் முகவரியே ஒன்றே போதும். இது மடலாடற் குழு, வலைப்பதிவு, வலைத்தளம், பரிந்துரைகள், இஷ்டங்கள் என விரியும். உங்களுக்கு அளிக்கப்பட்ட கருத்து சுதந்திரத்தில் நம்பிக்கைக் கொண்ட ஒருவர் உங்களுக்கு மின்னஞ்சலோ இடவோ, மடலாடற்குழுவிலோ சேர்க்கவோ முற்படுவர்.இந்த கலந்துரையாடல், கருத்து பரிவர்த்தனைகள் எல்லாம் உங்களுக்கு ஒரு அடையாளத்தை தருகிறது.

அந்த அடையாளம் உங்கள் இணைய பயணத்தை கூட்டவோ, குறைக்கவோ செய்யும். இவ்வாறு நீளும் பயணம் தன் சுவடுகளை அங்கங்கே பதித்தே செல்லும் . கசினோவில் my fair lady பார்த்தது, சிவாஜி ஒரு மிகை நடிகர் என்று சக வலைப்பதிவில் கருத்திட்டது, விட்டலாச்சாரியா படங்களின் திரைக்கதையை சிலாகித்தது என உங்கள் பாதரட்ஷங்கள் இங்கே மழை நாளில் சேறு காலகளால் கோலமிட்ட மார்பிள் தரைப் போல் பளீரிடும்.

தொடர்புடைய சுட்டிகள் : http://www.msnbc.msn.com/id/9502610/
தொடரலாம்…

விட்டதாய் நினைத்து
விடாமல் துரத்தப்படுகிறேன்
போதும் என்றாலும்
புதிராய் கேள்விகள்
வேண்டாம் என்பினும்
விழுதாய் கிளைகள்
தந்துவிட்டதாய் நினைவு
கழித்துவிட்டதாய் ஒப்பந்தம்
சில்லறைகள் கரைந்தன
பைகள் நிரம்பின
வழங்கவே இன்னும்
புழக்கத்தில் மனம்

Cricket got better with live relay. நேரடி ஒளிபரப்பு கிரிக்கெட்டை பல மடங்கு உயர்த்தியது. இந்தியா பாகிஸ்தான் போட்டிகள் தீபாவளி ரீலிஸ் படங்கள் போல் பரபரப்பாயின. கிரிக்கெட் வெறியர்கள் மைதானத்தை விடுத்து தொலைக்காட்சிப்பெட்டி முன் கூடினர். மட்டையாளர்களுக்கும், பந்து வீச்சாளர்களுக்கும் இலவச ஆலோசனை வழங்கப்பட்டது. ஒவ்வொரு ஓவர் முடிந்தபின்னும் தீவிர அலசல் நடந்தது. விளம்பர இடைவேளை இதற்கு தோதுபட்டது. ஒளியும் ஒலியும் விளம்பரங்கள் தூற்றியவர்கள் இதை சகித்தனர். நிறுவனங்கள் தங்களுக்கான ஸ்லாட்டை தேர்ந்தெடுக்க விரைந்தனர்.

‘Boost is the secret of my energy’ என்று கபில் கூற டெண்டுல்கர் அதை வழி மொழிவார். இந்தியா தோற்ற மோட்ச் ஒன்றின் முடிவில் இந்த விளம்பரம் ஒளிபரப்பாக எங்கள் முகங்களில் வெறி கிளம்பியது. கிரிக்கெட் நட்சத்திரங்களை உருவாக்கியது. சோப்பு, சீப்பு, கண்ணாடி பக்கத்தில் மட்டையாளர்கள் நிற்க நாடெங்கும் விளம்பரப் பலகைகள்.

மாட்ச் பிக்ஸிங் சர்சை வந்தது, மக்கள் திணறிப்போனார்கள். பல பெருந்தலைகள் பெயர்கள் உலா வந்தது. கேர்னியே பங்கு பெரிய அதிர்ச்சி. இப்போதெல்லாம் கிரிக்கெட் பார்ப்பது மிகவும் அரிதாகிவிட்டது. பார்க்க உட்கார்ந்தால் பந்துக்கு பந்து புது நிறுவனங்கள் மின்னி மறைகின்றன. யாராவது மைதானம் சென்று பார்க்க விரும்பினால் போகத்தான் சொல்ல வேண்டி இருக்கிறது ஒரு எச்சரிக்கையோடு. விளையாடும் புல்லிலும் விளம்பரம் இருக்கும் ஜாக்கிரதை.

எனக்கும் கிரிக்கெட்டுக்கும் என்றுமே ஏழாம் பொருத்தம் தான். மற்ற விளையாட்டை போலில்லாமல் இதில் நான் சராசரிக்கும் கீழ்.. இதைக் குறித்து எனக்கு எப்போதும் வருத்தமும் இருந்ததில்லை. இதற்கு காரணம் எங்கள் தெருவில் இன்ன விளையாடுவது என்றில்லாமல் புட்பால், ஹாக்கி, பாட்மிட்டன், என்று எதையும் விட்டு வைத்ததில்லை.

மைதானம் , விளையாட நண்பர்கள் என்று குறைவில்லாமல் எங்கள் விளையாட்டு சீசன் ஆரம்பிக்கும். பரிட்சை விடுமுறை அன்றே முடிவு கட்டி விடுவோம். “டேய் சி செக்டர் கிரவுண்டுல பிரதீப் டீமோட இன்னிக்கி பெட் மாட்ச், எக்ஸாம் முடிஞ்ச கையோட ப்ராக்டீஸுக்கு வந்திடு.” இப்படி அணியின் பிரதான சீமான்களுக்கு அழைப்பு வரும். ஒருவர் மாற்றி ஒருவர் மற்றவனை விடியலுக்கு சரியாக எழுப்பி விடுவோம்.

கிரிக்கெட் மட்டைகள் அணிக்கு இரண்டு , அவர்களே கொண்டு வர வேண்டும். பெட் முன் தொகையில் டென்னிஸ் பந்து வாங்கி விடுவோம். பதினைந்து ஓவர் மாட்ச். வெயிலின் தன்மையைப் பொருத்து விளையாடும் நேரம் குறிக்கப்படும். வென்ற அணிக்கு, முழுத்தொகை. பெரும்பாலும் பெட் தொகை 50,100 தாண்டாது. ஜெயித்த அணியினர் ஏரியாவின் பேக்கரியை ஆக்கிரமிப்பர். அடுத்த பெட் மாட்சுக்கான பரிவர்த்தனையுடன் அன்றைய சபை கலையும்.

தொலைகாட்சியில் என்ன விளையாட்டு ஒளிபரப்ப படுகிறதோ அந்த விளையாட்டுக்கு முக்கியத்துவம் கொடுப்போம். புட்பால் என்றால் பந்தின் காற்றைக் குறைக்க வேண்டும். இது கண்ணாடிகளின் பாதுகாப்புக்காக. காட்டுமிராண்டிகள் பார்வேர்டு நிலைக்கு தள்ளப்படுவார். உயரமானவன கோல் கீப்பர்.

அடுத்து ஹாக்கி, மட்டைக்கு இருக்கவே இருக்கு, கொய்யா மரக்கிளை மற்றும் ரப்பர் பந்து , இவை தவிர்த்து அடி வாங்க உடம்பு வளர்க்கும் அதிதைரியசாலிகள். விழுப்புண்களை தவிர்க்க சில விதிகள் உண்டு. மட்டை ஒரு உயரத்திற்கு மேல் கூடாது. லாங் ஸாட் கூடவே கூடாது.

கோடை விடுமுறைகளில் (poor guys games) புவர் கைஸ் கேம்கள் களைகட்டும். பம்பரம் மற்றும் கோலியைத்தான் குறிப்பிடுகிறேன். உடைந்த பம்பரத்திற்கும் , புது கோலிக்கும் பலர் வீட்டில் திடீர் திடீரென பணம் காணாமல் போகும் . கில்லி தண்டா மிக அரிதாக விளையாடுவோம். சில கண்களை பதம் பார்க்கும் என்பதால பெரிசுகள் இதை தவிர்க்க சொல்லி விடுவார்கள் .

கிரிக்கெட் புலிகள் புவர் கைஸ் கேம்களில் பயங்கர சொதப்பல் மன்னர்கள். அவர்களது பம்பரம் குறி வைத்து பிளக்கப்படும், கோலிகள் இழக்கப்படும். புவர் கைஸ் ஒரு அணியில் திரண்டு இவர்களை பதம் பார்ப்பார்கள்.

தொடரும்…

வாராவாரம் தியேட்டர் பக்கம் போயே ஆகணும். சினிமா பைத்தியமில்ல, இருந்தாலும் செய்யரதுக்கு எதுவும் இல்லாததால பாலாஜிக்கு போன் போட்டேன். Best Friend ஒடுது வாங்கன்னாங்க. சரி ஆட்டோவ புடி. அரைமணி நேரம் மிஸ்ஸிங். சரி பரவாயில்லன்னு பாத்தேன். பெரிசா ஒண்ணும் இல்ல விசிலடிறத தவிர.

ரஹ்மான் தானோட இசையை யாருக்கு கொடுக்கனும் தெளிவா தெரிஞ்சு வச்சுரது நல்லது. ஒரு மைனஸ் சமன்படுத்த ஒரு ப்ளஸ் வேணும். அதான் ஜேம்ஸ். ராம் கோபால் வர்மா தயாரிப்பு. பட்டய கிளப்பிருக்காங்க. சரியான கரம் மசாலா. சென்னைல பாக்க கொடுத்டு வக்கலயேன்னு வருத்தமா இருக்கு. பாம்பேல ஒடுமான்னு தெரியல , since the hindi film crowd has become metrosexual. அப்புறம் பெங்களுருக்கும் வந்தாச்சா சிக்னலுக்கு சிக்னல் எப்.எம். காட்டு இரைச்சல பாட்டு வேறயான்னு கேக்க தோனுது.

‘அம்மனுக்கு பச்ச புடவதான் இல்ல சிவப்புதான். ரெண்டையும் போடரத தானே ஒப்புக்கிட்டோம். இப்ப என்ன தகராறு. பத்து வருசங் கழிச்சு நடக்கர திருவிழா ,இந்த விஷயத்துக்கெல்லாம் ஏய்யா தகராறு பண்ணிறீங்க.’ இப்படி விஜயகுமார் சொல்வதாக ஒரு படம். பேர் நினைவில்லை. கே.எஸ்.ரவிக்குமார் இயக்கத்தில் சேரன் பாண்டியனை போல் இன்னொரு முத்து.

சொல்ல வந்த விஷயமே வேற. என் பேருக்கு முன்னால் இரண்டு இனிசியல். தாத்தா பெயரையும் அப்பா சேர்த்தே பள்ளி ரிஜிஸ்டரில் பதிவு செய்து விட்டார். தமிழ் புத்தகங்களில் க.ர. என்றும் ஆங்கில புத்தங்களில் k.r. என்றும் அடையாளத்திற்கு எழுதிக்கொள்வேன் ( புத்தகம் தொலயாம இருக்கத்தாங்கா, நானில்ல ). தமிழ் வகுப்புகளில் தமிழுக்கு மட்டும் தான் வேலை. ஜெப்பான் என்றால் திருக்குறள் முழு அதிகாரம் அடுத்த வகுப்பு ஆரம்பிக்கையில் ஒப்பிக்க வேண்டும்.

விஷயத்துக்கு வரேன். பேரே இவ்வளவு நீளமா இருக்கு , இதில இனிசியல் வேற ரெண்டா, அப்படின்னு வருத்தப்பட்டதில்ல. அம்மா தம்பி, இல்ல, முழு பேரை வைச்சு கூப்பிடுவாங்க. அப்பா டேய் தான். நண்பர்கள் ஈஸ் பாஸ். யாரு எப்படி கூப்டா என்ன . அததது அவர் இஷ்டம் இல்லையா.

ஹிந்தி இயக்குநர் சஞ்ஜெய் பன்சாலி அம்மாவின் பேரையும் தன் பேரோடு இணைத்துக் கொண்டார். தன் பாசத்தை வெளிக்காட்ட இருக்கலாம். நாளைக்கே என் பிள்ளை உன்னோட இன்சியல்ல எதுக்கு போடனும் , அம்மா இன்சியல் தான் வேணும் ,அப்படின்னனா நான் எதுவும் சொல்ல முடியாது, சொல்லவும் கூடாது. இல்லப்பா எனக்கு ரெண்டு பேரோட இன்சியலும் வேணுன்னு என் பொண்ணு சொன்னா , சரிடா செல்லம் உன் இஷ்டம்ன்னு விட்ரலாம்.

என்னோடதுதான் மொதல இல்ல உன்னோடது பின்னால இனிசியலுக்கு இந்த சண்ட மொளச்சா ரண்டு பேரோடது இருக்குட்டும் பிரச்சனைக்கு முடிவு கட்டலாம். ஆனா யாரோடது முதல்ல சண்ட வந்தா? யாராவது யாருக்கோ கீழ்படியத்தான் வேணும். பச்ச மேல சிவப்பு இல்ல சிவப்பு மேல பச்ச ஒண்ணும் கீழ ஒண்ணு. இதுதான் இயற்கையில் நியதி.

சுப்ரபாதம் சொல்ல , சுபம் சொல்லாம இரவு முட்டும் இடுப்ப காட்ட, சுளுக்கெடுத்தா மருத்தவம் சொல்ல, குண்டு வெடிச்ச ப்ளாஷ் அடிக்க , புடிச்ச பாட்ட கேட்டு முழுசா போட , வந்தாச்சு ஒரு தொலைகாட்சி. கணிப்பொறி நண்பர்கள் என்றும் சொல்லும் வாக்கியம். “மச்சி எல்லாமே காப்பி பேஸ்ட் தான்”. அதே போல தொலைக்காட்சியும் ஆகி விட்டது.

காலையும் குறி சொல்ல வேண்டும், மதியம் பெண்களுக்கு அறிவுறுத்த வேண்டும், சினிமா கலைஞர்களின் and, so , but, becozயை காட்ட வேண்டும், இரவு காமெடிக்க வேண்டும், இவ்வளவுதான். மக்கள் பார்க்க ஒன்றும் புதிதாக இல்லை என்பதுதான் தொலைக்காட்சிகள் விட்டில் பூச்சிகளை பெருகுவது.

இன்றும் நினைவிருக்கிறது, என்பதுகளில் எங்கள் தெருவில் இருந்த ஒரே solidaire சொந்தக்காரர் சொன்னது. “என்ன சிங்கப்பூர பாத்திங்களா? அப்பதான் “ஒரு சொர்க்கமே என்றாலும் பாடல்” ஒளி ஒலியும் முடிந்த்திருந்தது. மரடோனா ஹாண்ட கோலை புரியாமல் பார்த்தது இன்னும் வியப்பாக இருக்கிறது. sergai bubka, ஜிம்னாஸ்டிக், ஹாக்கி, ரிலயன்ஸ் கப் இவை என் நினைவுகளால் நிரம்பிய தொலைக்காட்சி பிம்பங்கள். எம்.ஜீ.யார். இறுதி ஊர்வலம் எங்கள் தெருவில் ஒரு இரங்கல் கூட்டத்தை நடத்தியது.

அப்பா முடிவெத்தே விட்டார். வீடியோகான் கலர் டி.வி. எட்டு நாற்பது செய்தி , ஒளியும் ஒலியும், the world this week , சுரபி இவை மட்டுமே. சனி கிழமைகளில் கதை முன்னோட்டம் வந்தால் ஹிந்தி படங்கள். பரிட்சை நேரங்களில் ஒளியும் ஒலியும் ரொம்ப கஷ்டம். அது என்னமோ போதை வஸ்து மாதிரி என் அப்பா கூடாது என்பதும் நாங்கள் சண்டையிடுவதும், இனிமையான தருணங்கள்.

அப்போது சீரியல்கள் வெறும் 32 வாரம் மட்டுமே. மேலும் ஒரு மணி நேர நாடகங்கள் பொதிகையில் மிக பிரபலம். இப்போது ஒளிபரப்புகிறார்கள். நான் தவறவிடுவதில்லை. புதன் கிழமைகள் கொடுத்து வைத்தவை. சுரேஷ் மேனன் வந்து திகிலூட்டுவார். விடுமுறை நாட்களில் சனி கிழமை இரவு street hawk, yes minister, தெகிஹாத் போன்ற சீரியல்கள்.

இன்று எங்கள் வீட்டில் அரை லட்சத்திற்கு டி.வி. ஹோம் தியேட்டர் எல்லாங் இருக்கு, நல்ல நிகழ்ச்சியத்தான் காணோம்.

விஜய் நடிக்க , செல்வா இயக்க எஸ்.ஏ.ராஜ்குமார் இசைமைத்து வெளிவந்திருக்க வேண்டிய தெலுங்கு டப் படம். ராஜ் டிஜிட்டல் ப்ளஸ் புண்ணியத்தில் ஒரு நல்ல படம் என் ஞாயிற்று கிழமை காலையை ஆக்கிரமித்தது.

நாகார்ஜுனா ஊட்டியில் பெரிய ஆர்கிடெக், அவரை காதலிக்கும் கிரேஸி சிங் பெற்றோரை எதிர்த்து கல்யாணம் முடிக்கிறார். ஒரு ஆண் குழந்தைக்கும் தாய் ஆகிறார். விபத்தில் தன் மனைவியை இழக்க நாகார்ஜுனா , அவர் மாமனார் வீட்டிலிருந்து ஒரு திருமணத்துக்கு அழைப்பு வருகிறது. அங்கு கிரேஸி சிங்கின் தங்கை ஷ்ரயாவை சந்திக்கிறார். இவரை பிரபு தேவா ஒருதலைப்பட்சமாக காதலிக்கிறார்.

தான் தான் கிரேஸி சிங்கை அநியாயமாக பிரித்து விட்டோம் என வருத்தப்படும் அளவிற்கு மாமனார் வீட்டில் பாசப்பரிவர்த்தனை நடக்கிறது. தன் பிள்ளை மீது அன்பைப் பொழியும் ஷ்ரயாவிடம் இவரும் அன்பாக நடக்க, ஷ்ரயா நாகார்ஜுனாவிடம் காதல்வயப்படுகிறார். ஷ்ரயா நாகார்ஜுனாவிடம தன் காதலை வெளிபடுத்த வேளையில் பிரபு தேவா அங்கு வர, ஷ்ரயாவும் தன்னை விரும்புவதாக் எண்ணி ஷ்ரயாவை நிச்சயம் முடிக்கிறார் பிரபுதேவா.

எற்கனவே ஒரு தவறை செய்து விட்டோம் என வருந்தும் நாகார்ஜுனா கல்யாணத்தில் கலந்து கொள்ளாமல் ரயில் நோக்கி நகர, எல்லாரும் அங்கு வந்து சமாதானப்படுத்தி ஷ்ரயாவை நாகார்ஜுனாவுக்கே இரண்டாம் தரமாக மணம் முடித்து தருகிறார்.

DDLJவை நினைவு படுத்தினாலும் ஷ்ரயாவின் அழகு முகம், திரைக்கதை, வசனம் மூன்று மணிக்கு உத்திரவாதம் தருகிறது. பொழுது போகாமல் ஏசியா நெட் , கைரளி போகும் நான் இந்த படத்தினால் பரவச வானிலே.

கொசுறு : நீ சுவை மாறலாம்
             தேவன் மொழி சுவை மாறுமா
             நிலா திசை மாறலாம்
             காதல் நதி திசை மாறுமா
என்று சொர்னலதாவின் குரலில் ஒரு நல்ல ரீங்காரம்.

முன்னந்தலை ஏறிய சலூன் அண்ணா
முதலாய் திருடிய டீலக்ஸ் கடை கடலை மிட்டாய்
புல் முளைத்த விளையாட்டு மைதானம்
கத்து கத்தாய் கப்பல் விட்ட கால்வாய்
மளிகை கடைக்கு மாறிய டீக்கடை
சின்ன சின்ன மாற்றங்கள்
சித்திரம் வரை அல்லது சிந்தையில் வை
சீக்கிரம் நான் சிதிலம் ஆகும் முன்

எங்க கேங்குல ஸாலிடா ஆறு பேர். இன்னும் ரெண்டு மூணு பேரையும் சேத்துக்கலாம், ஆனா இந்த ஆறு பேர்தான் பிரதானம், அரட்டை, தண்ணி, பிக்னிக், கம்பென் ஸ்டடி, இப்படி எல்ல கூட்டு சதிக்கும் இந்த ஆறு பேரும் ஆஜர். விஷயம் என்னான்னா இந்த கழுதைகளுக்கு எல்லாம் இப்ப ஏழு,ஏழர வயசாச்சு. அதனால் தங்கள் பேச்சுரிமையை விட தயாராகி விட்டார்கள். ஒருத்தன் கல்யாணத்துக்கு போனா இன்னொரு கல்யானத்துக்கு அறிவிப்பு வரும். நண்பர்களோ, அவர்கள் சகோதர சகோதரிகளோ கல்யாணத்திற்கு தயார் என்று அழைப்பார்கள். வாரம் ஓன்னுன்னு அவனவன் வரிச கட்டி அடிக்கிறான்.

விருந்தினர் விடுதிக்கு போனா மாடியில புது தம்பதியராய் என் நண்பன். இதோ அடுத்ததா புது மாப்பிள்ளை பியூட்டி பார்லர் போறான். நீ எப்படா நீ எப்படான்னு ஒருத்தற ஒருத்தர் கேட்டுக்குறோம். பேச நேரமில்லை வெறும் சம்பிரதாய விசாரிப்புகள். நிறைய பணம் ஒவ்வொருத்தனிடம், பாரே நடத்தும் அளவுக்கு. ‘சரி மச்சி நீயாவது கல்யாணத்த லீவுல வை’, செல்ல புலம்பல். எப்டி இருந்த நாம் அப்படின்னு லேசா அங்கலாப்பு. எல்லாருக்கும் விசிட்டிங் கார்டு கொடுத்து விட்டு பஸ் ஏறும் போது இருகுன சேற்றில் சொருகுன கடப்பாறை மாதிரி நெஞ்சில் வேதனை.

We were US and TOGETHER, not long ago just few years back.

அந்த சம்பவம் நிகழ்ந்தது பள்ளி பருவத்தில். இனி ஒருவரை ஒருவர் பார்க்க மாட்டோம் என்று உணராத வயது. பத்தாம் வகுப்பு பரிட்சை முடித்தாகவிட்டது. நல்ல வெயில் காயும் ஏப்ரல். கேட்டை தொடும் நேரம் இருவர் கட்டி புரள்கிறார்கள். நபர் ஒன்று என்னோட நெருங்கிய சிநேகிதன், இன்னொருவன் நாட்டாமை. சிநேகிதனின் கோபம் புரியவில்லை. நல்லதானே இருந்தான், என்னடா ஆச்சு இவனுக்கு. கண்கள் சிவக்க நாட்டாமையை அடிக்க என்னோட மற்றொரு சிநேகிதன். அவனும் தர்ம அடி போட, எங்களுக்கு ஒரே ஆச்சரியம்.

கேட்டை மரித்து நின்றதால் எல்லோரும் பார்த்தே ஆக வேண்டிய கட்டாயம், நம்ம நாட்டாமை படிப்புல ரொம்ப சுமார். எங்கு கூட்டம் கூடினால் அவர்தான் பஞ்சாயத்து. நிறைய பேசுவான், ஆடு நனைய ஓனாய் அழுதா கூட நிக்கிர செம்மறி ஆடுகள், தன் பங்குக்கு தலையாட்டும் ஓணாய் சொன்ன படி.

எதோ ஒரு தகராறில் சிநேகிதன் ஓனாயால் பாதிக்கப்பட, இந்த பழி வாங்கும் படலம். நாட்டாமை பயந்து ஓங்குவான் என்ற நினைத்த கூட்டம் அதிர்ச்சியில் திகைத்தது. நாட்டாமைக்கு செம நடுக்கம். இவனாட இப்படி, நல்ல ஆஜாபாகுவான உயரம், மெருகோரிய சதைகள். பிரச்சினை என்றால் வந்தால் இவனா வழிய வந்து தீர்ப்பு சொல்லுவது, யார் யாருக்கு ரூட் விடுவது என்று கண்காணிப்பது,பரிட்சைதாள்கள் விநியோகம், இப்படி செம்மறியாடுகள் சுகமாய் சொறிதலுக்கு ஏதுவாக இந்த நாட்டாமை.

எங்க போனாலும் இந்த மாதிரி ஒரு நாட்டாமை இருப்பான். தேவையில்லாத விஷயங்களில் மூக்கை நுழைப்பது, அநாகரிகமாக பேசுவது, காணாத காட்சிகளுக்கு சாட்சி நிற்பது. இவர்கள் செம்மறி ஆடுகள் மத்தியில் தான் தீர்ப்பு சொல்ல முடியும், இவர்களின் தீர்ப்பு மாற்றத்தக்கதல்ல, இந்த கூட்டம் ஓணாய் கண்டுகொள்ளாதவரை.

இந்த கன்னட தேசத்தில் இப்படி ஒரு வசனம் அதுவும் ரெண்டாவது மொறயா?

மொத தடவ ஒரு சிக்னல்கிட்ட. நம்ம மாமாக்கள் டிராபிக்க ஒழுங்கு பண்ண , நம்ம திருவாளர் பொது ஜனம் சகதர்மினியோட வந்து நின்னார் பைக்குல, அதுவும் மஞ்ச கோட்டதாண்டி. மாமா டென்சனாகி கன்னடத்துல கத்த, திருவாளர் “ஹிந்தில சொல்லு, this is india”. மாமா பதிலுக்கு ,” இது கர்நாடகா,கன்னடத்துல தான் சொல்லுவேன், தள்ளி நில்லு”

இரண்டாவது ஒரு ஆட்டோகாரன்கிட்ட பேரம் பேசும் போது.
எப்பவும் போல இன்னிக்கும் ஆட்டோ, அதுவும் எட்டு மணிக்கே. நம்மள போல இன்னும் ரெண்டு ஜீவன் கன்னிங்கம் ரோட்டுக்கு நிக்குது. சரி மூணு பேரும் ஒரு ஆட்டோ புடி. 100 மீ. தாண்டுனா டொம்லூர்,அதுக்கு ஒரு மணி நேரம், அப்படியே தாண்டி எம்.ஜி. ரோடு. கன்னிங்கம் ரோடு வர 15 நிமிஷம். யாருகிட்டையும் சில்லற் இல்ல. நண்பர் நூறு தாள நீட்ட , பாவப்பட்ட ஆட்டோகார ஜீவன் இன்னும் அம்பது கேட்டார். மீட்டர் அம்பதில்லயா சொல்லுதுன்னு நம்ம ஹிந்திகார நண்பர்கள் கத்த , பாவப்பட்ட ஜீவன், “இது பாம்பே இல்ல, கன்னடத்துல பேசு”. என்னோட அரகொர ஹிந்தில எப்படியோ என்பதுக்கு முடிச்சு அலுவலகம் வர 11 மணி.

பாக்கற் பழகுற மக்கள் இந்த தேசத்தில தமிழ் ஆட்கள் மாதிரிதான் இருக்காங்க ,ஆனா தெளிவான PR உண்டு, இல்லனா இந்த கிளைமேட் வைச்சே பெங்களுர வித்திருக்க முடியாது. நாமதான் சின்னதா தப்பு பண்ணிட்டோம்.

இயற்க்கை சீற்றம் கொண்டால் சூறாவளியும் வரலாம் , சுனாமியும் வரலாம். தகுந்த முன்னெச்சரிக்கை இல்லை, மக்கள் இடம்பெயருமாரு எச்சரித்தும் பயனில்லை, நிர்வாகம் வாக்குறுதிகளை மட்டும் அளிக்கிறது, செயல்வடிவம் இல்லை, இப்படியான புகார்கள் இக்கட்டான சூழ்நிலைகளில் வரக்கூடும். தவிப்பது மனிதர்களே. அவர்களின் நிறம் இதில் எந்த அளவுக்கு அவசியமாகிறது தெரியவில்லை. நிவாரண பணிகள் வளர்ந்த நாடுகளில் இவ்வாறு தாமதபடுவது சற்று நகைக்க வைக்கிறது, இருப்பினும் இது வெறும் நிர்வாக சிக்கலே என்றும் நாம் நினைப்போம். மற்றபடி வழக்கம் போல் இதில் மீடியாக்களுக்கு சோளப்பொறி.

ஒவ்வொரு முறையும் மீடியாக்கள் தகுந்த முறையில் செய்திகளைத் தருவதோ, அரசு எந்திரங்களுக்கு தகுந்த வழிகாட்டுதலோ தருவதில்லை. விற்பனை, வர்த்தகம் இவைதான் பிரதா னம். ஜானட் ஜாக்ஸன் எம்.டி.வி நிகழ்ச்சி, 9/11 தாக்குதல் அடுத்து அமெரிக்க ஊடகங்களின் போக்கு நாற்றம் அடிப்பதாக இருக்கிறது.

கத்ரீனா மூலம் அமெரிக்கா சந்திக்க வேண்டிய சவால்கள் நிறைய முக்கியமாக ஊடகம் மூலமாக. ஆனால் இவர்களை வழி நடத்த சரியான தலைமையோ,அறிவு ஜீவிகளோ அமெரிக்க மக்களிடம் இல்லை.

அப்பாக்களுக்கு மகள் என்ற ஸ்தானத்தில் பெண் அடி வைப்பது இரண்டாம் அல்லது மூன்றாம் தடவையாக இருக்கும். அந்த வயதில் பெண்ணைப் பற்றிய ஒரு முழு நிர்மானம் மனதிற்குள் உருவாகியிருக்கும். அம்மாவில் துவங்கி அக்காவோ,தங்கையோ வாய்த்த பின், சற்றே நிதானமான சூழலில் ஒரு ஆண்மகனுக்கு பெண் வாய்க்குபோது, அதை பேணுவதில் தகப்பனைத் தவிர சிறந்த ஆள் வேறு யாராகவும் இருக்க இயலாது.

அன்னையின் உருவத்தை அவன் மகள் மீது பார்கிறான். தான் கடந்து வந்த பாதையில் சந்தித்த அனைத்து பெண்களின் உருவகமும் தன் மகள் மீது வடிக்கிறான். தவறோ தப்பிதமோ தன் பிஞ்சு மகளின் செல்ல வளர்ப்பில் உருகிறான். அவளை உலகின் எல்லா பெண்களின் இருப்பிடமாகவும், தன் மகள் பெண்ணினத்தின் வார்ப்பாக நினைக்கிறான்.

அதீத உருவகம் அதீத அன்பில் முடிகிறது. தான் செய்த தவறுகளின் வடிகாலாக தன் மகளைப் போற்றுகிறான். இதனாலேயே அந்த பெண்ணும் தன் தந்தையை ஒரு தனி ஜீவனாக பார்க்க முடிகிறது. வேறு எந்த ஆண்மகனும் தன் தகப்பனை ஒப்பும் வகையில் திகழ முடியாதவனாகி விடுகிறான்.

அதே பெண் அந்த ஒரு ஆண்மகனைப் கண்டபின் தகப்பனை விலக்குவது சாதாரணமாகிறது. இதைப்புரிந்த கொண்ட தகப்பன்மார்கள் தவிப்பது எனக்கு புரிகிறது.

நம்ம நீண்ட நாள் கனவு இது, இல்லீங்க வெறும் லாப்டாப் மட்டும் தான், ஏற்கனவே நான் வேலை பாக்குற யடத்துல அங்கொன்னும் இங்கொன்னுமா ஒரு பேச்சு, இவன் வேல பாக்கறான்னா இல்ல ப்ளாக்ஸ் படிக்குறான்னான்னு. இருபத்திநாலு மணிநேரமுமும் இணையம் நம்ம பக்க இருந்துட்டு சோறு தண்ணி வேண்டாம், இந்த லட்சண்த்தில வீட்டுக்கு ஒடிடலாமுன்னு ஒரு யோசன, ஆனா இந்த பாழாப் போன இணையம் திருச்சி மாநகரத்துல எப்படி வேல செய்யுமுன்னு ஒரு கிறக்கம்.

எனக்கு வேல செய்ய தேவையான எல்லா கோப்புகளையும் இறக்குற நேரத்துல இது எழுதிக்கிட்டிருக்கிறேன். விர்சுவல் ப்ரைவேட் நெட்வொர்க் கொஞ்சம் அசமந்தம். அதான் இந்த முன்னெச்சரிக்கை நடவடிக்கை. ரெஜிஸ்ட்ரில கை வைக்காத, பயர்பாக்ஸ் கூடாதுன்னு ஏக கெடுபிடி. புது வீட்டுக்குப் போன எங்கம்மாவுக்கு எல்லா சரியான யடத்துல இருக்கணும், உப்பு, புளி, வகையறாக்கள் கிச்சனல்ல இருந்தா மட்டும் போதாது, அதுக்கான பெட்டியில இருக்கணும். கலையாத படுக்க விரிப்பு, அடுக்குன நீயுஸ் பேப்பர் தேதி ப்ரகாரம், இப்படி கொஞ்சம் பிடிவாதம் உண்டு.

பரம்பர வியாதி போல இது. எனக்கு உண்டு, ஆனா அது நான் பயன்படுத்துற கணணி வரைக்குந்தான். டெஸ்டாப்ல ஒண்ணும் இருக்காது, எல்லாம் க்யூக்பார்லதான். மை மூசிக் , மை டாக்குமெண்ட்ஸ் தனி போல்டர்ஸ். பயர்பாக்ஸ் மற்றும் இதர சில பிள்க்கின்ஸ். எக்லிப்ஸ் ரொம்ப முக்கியம். அடுதாப்புல ரெஜிஸ்ட்ரி. போல்டர ரைட் கிளிக் பண்ணி கமாண்ட் ப்ராம்ட். கமாண்ட் ப்ராம்டல CTRL-D போட்ட p-r-o-g டைப் பண்ணா முழு போல்டர் நேம், தமிழ டைப்பண்ண முரசு எடிட்டர், இப்படி சின்ன அத்தியாவசங்கள் தேவை.

இது இல்லாம இந்த வாரம் எப்படி ஓடுது பாக்கலாம்.

பி.கு: இந்த ஆடி முடிஞ்சாலும் முடிஞ்சுது, நம்ம மக்கள் திண்டிக்கல், மதுர, திருநெல்வேலின்னு கல்யாணத்து கூப்பிடுது. இந்த கணணி புண்ணியவான் நம்ம கையில இருக்கிறதால லீவும் போடாம கள்யாணமும் அட்டென்ட் பண்ண மாதிரி இருக்கு.

வெள்ளியன்று காலை இன்ன்ர் ரிங்க் சாலையில் உள்ள் தன் ஆபிஸுக்கு பைக்கில் சென்றிருக்கிறார். பைக் தடுமாற மீடியன் (median) மிது ஒரு மோதல் . தாடையில் பலத்த அடி. அப்போது அவ்வழி வந்த ஃபிடலிட்டி காப் டிரைவர் தன் வண்டி மூலம் மணிபால் மருத்துமனைக்கு அழைத்து செல்லப்பட்டார். he was declared dead there due to an essential nerve cut that supplies oxygen.

பெங்களூரிலேயே ஈமக்காரியங்கள் , வெள்ளியன்றே நடத்தப்பட்டது. கடந்த மூன்று மாதங்களாக அவரது அம்மாவுடன் கோரமங்களாவில் தங்கியிருந்தார். அவரது தம்பி சென்னையில் பைனல் இயர் பொறியியல் படித்து வருகிறார்.

வலைப்பதிவாளர்களின் பிராத்தனை மிகவும் அவசியம் முக்கியமாக அவரது அன்னைக்கு. பொருளாதார ரிதியாக பிரச்சனையில்லை, இருந்தாலும் அவரது அன்னை அதிர்ச்சியில் மீண்டு வர இறைவனை பிராத்திக்கிறேன் உங்களைப் போலவே.

பல பேருக்கு தெரிந்தவர், வலைப்பூவின் ஆசிரியர் , டெல் நிறுவனத்தின் ஊழியர் , வருங்கால எழுத்தாளர், பொன்னியின் செல்வர் இப்போது இல்லை. கடந்த வெள்ளியன்று விபத்து அடிப்பட்டு …..

யாருமே வலைப்பதிவுல இதுதான் கடைசி பதிவுன்னு எதையும் போடத்தில்லன்னு நினைக்கிறேன். நிகழ்ந்தே விட்டது.

நல்ல வரலாற்று எழுத்தாளராக வளர வேண்டியவரின் வாழ்க்கை அவசரமாக முடிக்கப்பட்டு விட்டது.

அன்னாரை பிரிந்து வாடும் அனைத்து உள்ளங்களுக்குமு எமது ஆழ்ந்த வருத்தங்கள் கண்ணீருடன்

அவரின் கடைசி பதிவு

நிறைய எதிர்பார்க்க வில்லையென்றாலும் கண்ணுக்குள் நிலவு ஏற்படுத்திய ஏமாற்றம் இன்னும் மறையவில்லை. இளையராஜா, ஆனந்த குட்டன், பாசில் கூட்டணியில் மற்றுமொரு படைப்பு ஒரு நாள் ஒரு கனவு.

நாயகியும் நாயகனும் துடுக்கதனமானவர்கள் அவர்களுக்கே உரிய வகையில். இவர்களின் துடுக்குத்தனம் எதிர்பாராத விதமாக சண்டையில் முடிகிறது. சோனியா பெட் வைக்க ஸ்ரீகாந்த் காதலிக்கிறார். நாயகி பணக்காரியாம், நாயகன் ஏழையாம்.

தன் குடும்பத்தை அறிமுகப்படுத்த வேண்டும் எனக் கோரும் சோனியாவை வீட்டுக்கு அழைக்கிறார். வீட்டைப் பார்த்து சோனியா திகைக்க ஸ்ரீகாந்த “இது பேலஸ் இல்ல, வெறும் வீடு” என்று சொல்ல , டேய் மக்கா இது தான்டா பேலஸ் என்று நாம் கத்த தோன்றுகிறது.

அப்படி இப்படி என்று நிஜமாகவே காதலிக்க ஆரம்பிக்கிறார் ஸ்ரீகாந்த் சோனியா குடும்பத் கஷ்டங்களைக் கேட்டு. ஏமாற்றி விட்டோம் என்று உணரகிறார், உருகுகிறார் , உழைக்கிறார். One song syndrome strikes venomously here. முடிவு வெள்ளி திரையில்.

படத்தின் பிளஸ்கள் அழகாக தெரியும் சோனியா அகர்வால் மற்றும் ‘காற்றில் வரும் கீதமே’ பாட்டு மட்டுமே. இளையராஜாவும் சோர்வடைய வைக்கிறார். அவர் பாவம் என்ன செய்வார் திரைக்கதை நகர்ந்தால் தானே. வழக்கம் போல ஃபாசிலின் நாயகிகளின் தோழிகள் தமிழ் பெண்களாகத் தோன்றுவார்கள். இதிலும் அப்படியே. படப்பிடிப்பு தளத்திலாவது திரைக்கதை பற்றி யோசித்திருக்கலாம். ஸாரி ஃபாசில் your brandname doesn’t help one more time.

இதைப் படித்தும், உங்களுக்கு ஃபாசிலுக்கு மரியாதை ஏற்பட்டால் , குருந்தட்டில் பார்க்க கடவது.

சீனாவுக்கு சரி என படுவது வங்காளத்து அபத்தமாம். இதில் வெட்கக் கேடு என்னவெனில் , கடந்த காலத்தை மறந்து கம்யூனிஸ்டுகள் தங்களை புதுப்பித்துக் கொள்ள வேண்டுமாம். புழுதி கூட்டத்தில் இருந்து கொண்டு சட்டை அழுக்காகிறது என்று கதறகிறார் புத்ததேவ். இவர்கள் பேசாமல் சீன குடியுரிமை வாங்கி கொள்ளலாம்.

பார்கவும் வேண்டாம்
கேட்கவும் மாட்டேன்
வாங்கிடலாம் - தொட்டு விடும் தூரம்
வச பாட வசதிதான் பாவம்
முடியாத ப்ரசனை - சுற்றும் முட்கள்
இலைகளின் வேதனை
பரிவர்த்தனை பரிபாஷை
பாந்தாமாய் பாரங்கள்

சுடச்சுட வருது இந்த ரிப்போர்ட். வழக்கமா ஆரிய பவன்ல வெஜ் புலாவ் சாப்பிடர நா இன்னிக்கி பராத்தா ஆர்டர் பண்ணினேன். கூடவே ஆலு கரி வேற, எக்ஸ்ட்ரா கரி ஆர்டர் பண்ண வேண்டாமா? நல்லது சாமி, இனி தெனைக்கும் இதுதான் நமக்கு மதிய உணவு. சரி தலைப்ப பத்தி ஆரம்பிக்கிறேன்

லட்டு ரெடியா?

ரெடி ஆயுத்து சார்!!

எல்லாத்தையும் கேன்சல் பண்ணு. புதுசா ஆர்டர் எடு.

இல்ல முடியாது சார். நேத்தே ஆர்டர் பண்ணது ரெடியா இருக்க, இப்ப வந்து கேன்சல் பண்ணச் சொன்னா?

பிஸினஸ்மேன் மாதிரி பேசு?

“….”

சரி, எதுவும் வேண்டாம். இதுதான் நீ பண்ற சேவையா?

“ஹம் சேவாஹீ கர்ரஹா ஹும்”

“சோட் தோ பய் , ஹம் கோ பதா ஹே, தும் க்யா சேவா கர் சுகா ஹும், ஹம் பி பிஸினஸ் கர் ரஹாஹும்”

“ஏபி பிஸினஸ் பய், மே லட்டு கீ சேவா கர் ரஹீ”

மக்களுக்கு பொறும இல்ல மக்கா !!

எல்லாம ஈகோதான்.

ஆர்டர் மாத்தனுன்னு இவர் ஆரம்பிருந்தா அவரும் யரங்கி வந்திருப்பாரு, இவருக்கும் கேட்டது கிடச்சிருக்கும்.

இவ்வகையான சண்டைகள் எங்கும் பார்க்கலாம், மளிகை கடைகளில், டிக்கட் கெளண்டர்களில் இத்தியாதி,இத்தியாதி

பரிவர்த்தனைகள் இனிமையாக இல்லாவிட்டாலும் இவற்றில் பாடங்கள் நிறைய உண்டு

படபடத்தது கண்கள்
படர்ந்தன வானெங்கும்
உயர்ந்தன புருவங்கள்

எல்லாம் சுருள் சுருளாக
இருக்கட்டும் என் பங்காக

நகைக்க ஒன்று
புகைக்க இணங்கு

பார்வை பழுது
பாவம் விழுது

பருவ கோளாறு
பலன் இராது

பத்து போதும் என்றார்கள் விளையாட்டை நிறுத்தினான்
பன்னிரெண்டு வேண்டும் என்றார்கள் பொறுமை காத்தான்
நாலே வருடம் நறுக்கென முடியும்
இருக்கட்டும் இதுவும்
இதற்கும் தலையசைத்தான்

பணிவாய் நடப்பாய் பலதும் கற்பாய்
படிகள் பலவும் விரைவாய் கடப்பாய்
உனதே உலகம் பொறுப்பாய் தலைவா

கலி முத்தியது காயும்
அம்மா இன்னும் என்ன?

பொறு மகனே - பொறுக்கனும்

போடங்கடா நீங்களும் உங்க டார்வினிஸமும்

ஒரு நிமிடமா ஒரு நிமிடமா
அன்பே அன்பே

ஆமா இதோ வந்துட்டேன் இன்னும் நாலு மாசந்தான் இருக்கு, அது வரைக்கும் வெயிட் பண்ணு.

பூமியின் சுழற்சியைக் கொண்டுதான் நமது கடிகாரம் ஒடுகிறது என்றாலும் அதை கண்காணிக்க அடாமிக் க்ளாக் வைத்திருக்கிறார்கள். சில சமயம்
விண்வெளியில் வினோத நிகழ்வுகளால் மாறுபட்டால் இவை இரண்டும் மாறுபட்டு நிற்கும். அப்போது நம்ம அடாமிக் அண்ணாச்சி முழித்து கொண்டு ஒன்றோ இரண்டோ நிமிடம் தன்னை அட்ஜெஸ்ட செய்து கொள்வார். இது நிகழும் நேரம் இவ்வருட கடைசியில் நள்ளிரவில். காரணம் பூமி மெதுவா சுத்துதான். பால் குடிக்கும் பிள்ளைகள் தவிர உறங்காது கண் விழித்து புது வருடத்தை வரவேற்கும் என்னை மாதிரி அப்பிராணிகள், ஒரு நிமிடம் வீணாவதை நினைக்காமல் , இந்த அரிய மாற்றத்தை உன்னிப்பாக கவனிக்கவும்.

மேலும் தகவலுக்கு இங்கே கிளிக்கவும்

பார்த்து ரசிக்கிறேன்
படிக்க அலைகிறேன்
பிடித்ததை சேமிக்கிறேன்

எண்ணங்களை கோர்க்கிறேன்
எழுத விழைகிறேன்
அயர்ந்து விடுகிறேன்

இன்றும் ஒருமுறை

சூரியன் ஆறு மணிக்காம்
குளியல் ஏழாம்
செல்வாய் எட்டு

உறங்கியது பதி ஒன்று
உண்டது பத்து
வந்தது ஒன்பது விழித்ததும்

திரட்டினாற் அறநூறு
வளர்ந்திடும் நிதம் நூறு

தீராமல் காலசுவட்டில்
கணையில் ஆழ்ந்து

இலக்கின்றி தேடினேன்
வலைப்பதிக்கிறேன்

சின்னதாய் மாற்றங்கள்
நுணுக்கமாய்

தூக்கத்திற்கு மூன்று
சாப்பிட இரண்டு
வலம் வர ஒன்று
இருபத்திரண்டை இரண்டு நாட்களில் நிரப்ப முயல்கிறேன்

முடிவுற்றாலும் மறக்கவில்லை
முறிந்தாலும் மறந்தில்லை
மறைத்து வைக்கிறேன் உன்னோடு உறவாய்
உறைவிலிருக்கும் வாளாய்

ஜ.டி.யைப் பொறுத்த வரை போட்டி நிறுவனங்கள் சிறந்த வேலையாடகளை தங்கள் வசம் கவர்வது புதிதில்லை என்றாலும் ,இப்பிரச்சனை கோர்ட் வரை சென்றிருப்பது இதுவே முதல் முறை. இதன் பிண்ணணியில் மைக்ரோஸாப்ட் வெளியிட்டுள்ள இணைய உலாவியில் (Internet explorer) , கூகிள் மற்றும் யாஹூவின் தேடுபொறி வசதி அகற்றப்பட்டு , எம்.எஸ்.என் மட்டும் டிபால்டாக அமைந்துள்ளது.

மதுரையைப் பொறுத்த வரை , எனக்கு பலவிதபட்ட அபிப்ராயங்கள் உண்டு. மருத்தவ கல்லூரி மாணவர் ஓருவர் இப்படி அந்நகரத்தைப் பற்றி கூறுகிறார். “Its a developed village”. இது மதுரை நண்பர்களை காயப்படுத்தாலும் , ஆனால் இது உண்மைக்கு வெகு அருகில் உள்ள கூற்று.

நான் அடியோடு வெறுக்கும் விஷயம் , இங்கு நடக்கும் அரசியல் சண்டைகள். தமிழ் தமிழ் என்று மொழிக்கு கடவுள் அந்தஸ்தைக் கொடுத்து தினமும் பூஜை நடத்தவது.

உணர்ச்சிவசப்படுவது, வெட்டு குத்து என்று இளைஞர்கள் அலைவது. இவை மீடியாக்களின் வெளிப்பாடாக இருக்கலாம். நண்பரின் முயற்சியால் இவை நிவர்த்தி செய்யும் முதல் கட்டுமாக எண்ணுகிறேன்.

மேலும் தகவலுக்கு இங்கே கிளிக்கவும் .

Voices from war zone முடிக்க ஓரு வாரம் பிடித்தது. மதிப்புரைக்கு ரஸிதா பகத்தை நம்புங்கள். பிஸினஸ் லைன் முழுவதும் இவரது ஆக்கிரப்புதான்.